← Vefhjálp frá Vefgaldri

Skilmálar Vefhjálpar

Þróunarprófun fyrir 18 ára og eldri · Útgáfa 22. október 2026, v5.

Hvað samþykkirðu?

Þú samþykkir að Vefgaldur vinni með skilaboðin sem þú velur að senda og afmarkaða samtalssögu til að veita þér tækniaðstoð með gervigreind. Gögnin fara um Vercel til OpenAI. Supabase sér um gagnagrunn notkunarvarna; póstur til Vefgaldurs er sérstök fyrirspurn frá þér. Ekki senda lykilorð, kennitölur, greiðsluupplýsingar, auðkenningarkóða eða önnur viðkvæm gögn.

Myndir og tal eru þitt val

Skjádeiling byrjar sem forskoðun á þínu tæki. Hvert skjáskot er aðeins sent til OpenAI eftir sérstakt samþykki þitt. Upplestur er sjálfgefið slökktur; ef þú velur hann er svartexti sendur til OpenAI til að mynda gervirödd. Hljóðnemi er ekki virkur.

Notkunarvarnir og geymsla

Hvert samtal leyfir allt að 20 mínútur eða 5 spurningar, hvort sem kemur fyrr. Tvö samtöl eru í boði á dag á neti/notanda. Supabase geymir dulnefnd net- og notandaauðkenni, lotutíma og innihaldslausar notkunar- og kostnaðarfærslur. Samtalstexti, myndir og hljóð eru ekki vistuð í gagnagrunni Vefhjálpar. Kvótaupplýsingar eru ætlaðar til varðveislu út næsta sólarhring eftir kvótadaginn; kostnaðarfærslur og skráning samþykkis (dulnefnt auðkenni, útgáfa, staðfesting á 18 ára aldursmörkum og tímasetning samþykkis eða afturköllunar) út næsta almanaksmánuð. Hreinsun er stillt á klukkustundarfresti; bilanir geta tafið hana. Þetta eru tímamörk virka gagnagrunnsins, ekki loforð um eyðingu allra öryggisafrita eða tækniskráa hjá þjónustuveitendum.

Nánar um gögnin þín og réttindi

Ábyrgðaraðili er Valur Smári Þórðarson, rekstraraðili Vefgaldurs. Hafðu samband á vefgaldur@vefgaldur.is vegna spurninga um vinnsluna eða til að óska eftir aðgangi, leiðréttingu, eyðingu eða takmörkun eftir því sem við á. Þú getur kvartað til Persónuverndar.

Vinnsla efnis sem þú sendir til AI-aðstoðar byggist á þessu samþykki. Nauðsynleg auðkenning, öryggi, kvóta- og kostnaðarvarnir þjóna lögmætum hagsmunum af öruggum rekstri og takmörkun misnotkunar. Þú getur andmælt þeirri vinnslu; ekki er þá tryggt að hægt sé að veita netþjónustuna.

Vafrinn fær nauðsynlega auðkennisköku (__Host-vefhjalp) með 30 daga gildistíma og geymir lotuauðkenni, tilvísun til síðasta samþykkis og valið tæki í sessionStorage meðan flipinn er opinn. Engar greiningar- eða auglýsingakökur eru settar af Vefhjálparkóðanum. Vefþjónustur sjá IP-tölu tækisins við tengingu og geta unnið tæknigögn vegna reksturs og öryggis. Vercel-þjónninn sem nú er notaður er í Bandaríkjunum og Supabase-gagnagrunnurinn er í London í Bretlandi. OpenAI og undirvinnsluaðilar geta unnið gögn utan EES. Gagnagrunnssvæði tryggir ekki staðsetningu allrar vinnslu. Þú getur óskað eftir upplýsingum um vinnslusamninga og viðeigandi flutningsvernd á netfanginu hér að ofan.

OpenAI varðveitir að jafnaði misnotkunarvarnaskrár, sem geta innihaldið sent efni, í allt að 30 daga. Lengri varðveisla getur átt við vegna laga eða öryggisverndar samkvæmt reglum OpenAI. Ekki er lofað tafarlausri eyðingu hjá þjónustuveitendum. Vefhjálp safnar ekki samtalsefni í sérstakan gagnagrunn til þróunar eða þjálfunar; þetta samþykki veitir ekki almennt leyfi til markaðssetningar eða annarrar endurnýtingar.

Þú getur valið „Afturkalla samþykki“ í aðstoðinni. Þá stöðvum við frekari sendingar frá síðunni, upplestur og skjádeilingu og lokum lotunni. Afturköllun breytir ekki vinnslu sem þegar hefur farið fram eða varðveislu sem kann að hafa annan lögmætan grundvöll. Hafðu samband vegna gagna sem þegar hafa verið send.

AI getur gert mistök. Þetta er almenn tækniaðstoð; þú framkvæmir sjálfur aðgerðir og átt að yfirfara ráðleggingar, sérstaklega fyrir eyðingu eða endurstillingu. Þetta felur ekki í sér afsal lögbundinna réttinda.

Til baka í Vefhjálp